Mɔʋ
![](http://chped.net/https/upload.wikimedia.org/wikipedia/commons/thumb/a/ae/Ricegrains1100ppx.jpg/220px-Ricegrains1100ppx.jpg)
Mɔʋ kɛna tɔɔnasɩ nzɩ sɩkɛ pe yɔ sɩ-taa nakɛyɛ. Pahayɩɣ-kʋ hɔɔlɩŋ weyi ɛ-taa soŋgaɣ nɛ niikaɣ pɛwɛɛ yɔ. Papɩzɩɣ pahayɩ-kʋ ɖɔɖɔ hɔɔlɩŋ weyi ɛ-taa niikaɣ nɛ wɩsɩ pɛwɛ pazɩ pazɩ yɔ. Pahayɩɣ mɔʋ fɛɛŋ taa, pɩkɩlɩna ɖenɖe lɩm wɛ fɛndɛlɛɛɛ yɔ. Payaɣ pɩ-tɛ hayɩm se mɔʋ ɛjɛŋ. Pahayɩɣ-kʋ ki-pe yɔɔ. Kɩ-taa n̄ɩm ɖɔ pɩdɩɩfɛyɩ.
Mɔʋ wɛna hɩla ndɩ ndɩ. Payaɣ Aazii tɛtʋ wandamm taa mɔʋ se "Oryza sativa", payaa Afrika wɩsɩ ɖɩɖʋyɛ taa mɔʋ se "Oryza glaberrima" yaa "Casamance" mɔʋ.
![](http://chped.net/https/upload.wikimedia.org/wikipedia/commons/thumb/7/70/Terrace_field_yunnan_china_denoised.jpg/220px-Terrace_field_yunnan_china_denoised.jpg)
Ɛyaa sakɩyɛ sɔɔlɩ mɔʋ pɩkɩlɩ tɔɔnasɩ lɛɛsɩ, kɔzɩ kɔzɩ Amerika nɛ hadɛ kiŋ tɛtʋ taa n̄ɩma nɛ Afrika nɛ Aasii pɛ-tɛtʋ taa n̄ɩma. Mɔʋ kɛna kajalaɣ tɔɔnaɣ ŋga ɛyaa kɩlɩɣ tɔɔʋ kedeŋa yɔɔ cɩnɛ yɔ. Pʋ-yɔɔ pakɩlɩɣ-kʋ hayʋʋ kedeŋa yɔɔ cɩnɛ. Huŋ nʋmɔʋ taa lɛ, saamɩla wayɩ lɛ, mɔʋ tɩŋɩɣna tɔɔnasɩ pe n̄ɩnzɩ ɛsɩndaa. Siini nɛ Ɛɛndɩ nɛ Sapɔŋ pa-ajɛya taa pakɩlɩɣ mɔʋ tɔɔʋ.